6 nalit-ag sa drug bust sa Maguindanao

MAGUINDANAO PROVINCE -- Gipasaka na ang kasong paglapas sa Republic Act 9165 o Comprehensive Dangerous Drugs Act of 2002 batok sa unom ka mga tawo nga nadakpan, 2:45 sa hapon, Biyernes, Hunyo 21.

Sila si Nomer Dampas Kamid, Michael Balindong, Grachella Usman, Norain Ensik, Jhonathan Kadil Guiamalon, ug Jomar Buayan nasikop atol sa gilusad nga drug bust sa mga awtoridad.

Sumala ni Maguindanao Police Provincial Office director Colonel Ronald Briones nga ang operasyon gilusad sa hiniusang puwersa sa kapulisan didto sa Barangay Upper Capiton, Datu Odin Sinsuat sa nahisgutang probinsiya.

Gipangsikop ang mga nahisgutan sa dihang aktong gitunol ang shabu ngadto sa tiktik sa mga pulis.

Nakuha gikan sa ilang posisyon ang usa ka dakong pakite sa shabu, marked money ug mga drug paraphernalia.

Nasayran nga dugay nang gipanid-an sa mga pulis ang mga dinakpan nga nalambigit sa illegal drug trade sa probinsiya una gilusad ang drug bust. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph