PATAY dihang nahidangat sa Southern Philippines Medical Center (SPMC) ang usa ka ginang kinsa mikirig sud sa usa ka lodging inn sa Barangay Matina Aplaya, Davao City, Biyernes sa gabii, Hunyo 21.
Subay sa blotter sa Talomo Police Station, ang biktima nailhang si Merla (bansagon gitago), 45, balo, kinsa kauban niini sud sa inn si Rodolfo, 46, usa ka bus drayber.
Gisaysay ni Rodolfo sa kapulisan nga samtang anaa na sila sa “climax” kung sa ibabaw sa ilang kalipay diha sa kama kalit lamang mikirig ang babaye.
Gilayong nangayo og pakitabang si Rodolfo sa mga room boy hinungdan nga gisaputan kini ug gidali pagdala sa ospital, apan gideklarang patay na.
Nagduda si Rodolfo nga dunay sakit sa kasingkasing ang babaye kinsa iya lamang nakaila pinaagi sa Facebook.
Anaa sa morgue sa SPMC ang patay nga lawas sa biktima samtang padayon ang gihimong imbestigasyon sa kapulisan labot sa maong hitabo.