GIPASAKAAN og 10 ka mga kasong rape si Romy sa iyang paglugos kang Baby, iyang 10-anyos nga manghod.

Usa ka udto niadtong 1995, nagduwa si Baby sa ilang balay uban sa iyang mga igsuong lalake. Gitawag siya ni Romy, apan wa siya maminaw kay nahadlok siyang mabunalan.

For updates from around the country, follow Sun.Star on Twitter

Migawas sa balay si Romy ug gisugo ang iyang duha ka manghod nga mga lalake sa pag-adto sa sapa. Iyang giguyod si Baby sa balay, kinsa naghilak nang daan. Nangitag panyo ang akusado samtang iyang gibalikas ang iyang manghod.

Nidagan si Baby apan giguyod siya ni Romy ngadto sa laing kuwarto diin siya gibaatan ug gibakos. Gipahigda siya sa katre ug gigaid pa gyud ang iyang mga paa sa katre.

Nibalik si Romy nga nagdalag gunting dayon gitabas ang shorts ug underwear sa iyang manghod. Naghukas sab siya sa iyang sapot dayon giangkon ang pagkababaye sa biktima.Human niini, gipakita pa niya sa iyang manghod ang panyo nga nagkadugo.

Maayo gani kay niabot ang iyang mga igsuon.Wa gyud siya mosulti sa iyang mga igsuon nga siya gilugos sa iyang maguwang samtang siya gibadbaran.

Nausban pa kadto sa makadaghang mga higayon samtang wa sa ilang balay ang ilang mga ginikanan. Ang pagpanglugos nilanat hangtod sa 2000, diin ang katapusan nahitabo samtang gihaya ang ilang amahan ug 15-anyos na si Baby.

Sa komprontasyon, giangkon sa akusado ang tulo ka mga pagpanglugos. Apan dihang gisultihan siya sa iyang asawa nga angkunon ang tanan, nitangdo siya ug nangayog pasaylo sa biktima.

Sa imong pagtimbang, wa kaha mapugos lang ang akusado sa pag-angkon sa 10 ka mga kaso sa pag-rape tungod sa hangyo sa iyang asawa? Sad-an ba siya sa 10 ka mga kaso o sa tulo lang ka rape cases nga mao ray iyang giangkon?