USA sa pinakasayon nga pamaagi aron makat-on sa kultura sa usa ka lugar mao ang paglantaw sa mga pelikula niini.
Sa nakalabay nga Hunyo 19, ang Embassy of Hungary, pinaagi sa tumong ni Ambassador of Hungary to the Philippines Dr. Jozsef Bencze, nahimo ang unang screening sa Hungarian Film Festival kon (Huff) diha sa SM Lanang Premier sa Davao City.
Matud ni Bencze nga ang aktibidad parte sa paningkamot nila nga maka-konektar sa siyudad ug sa mga tawo.
Tumong niini nga maipakita ang kultura sa Hungary ngadto sa mga taga Davao pinaagi sa historical film diin positibo siyang mopalig-on kini sa relasyon tali duha ka dapit.
“This year we decided to have it here in Davao City. We opened a Hungarian consulate so we decided to show a Hungarian film to show our culture,” sigon ni Bencze.
“I think it is very important to have this activity,” dugang niya.
Ang Huff anaa na sa ikatulong tuig niini sa Pinas kon diin ang unang screening gipahigayon dinhi sa siyudad, ug sa mga umaabot nga adlaw ngadto na sa Metro Manila.
Usa ka pelikula kada bulan ang ipakita nga libre sa SM Lanang Premier hangtud Nobyembre.
Unang pelikula nga gi-ere mao ang Kinscem-Bet on Revenge.
Usa kini ka historical adventure film niadtong 2017 nga nag-feature sa world famous racing horse.
“I hope we could have this HUFF again next year because we wanted to make more contact here,” dugang sa opisyal.