MOBALOR sa P4.8 milyones ang kantidad sa gituohang shabu nga nasakmit sa kapulisan gikan sa big-time pusher atol sa buy-bust operation Huwebes sa gabii sa San Rafael, Barangay 10-A, Davao City.
Giila ang suspek nga si Akmad Arab, alyas Akmad, 42 anyos, ug usa ka drayber.
Matud ni Major Michael Uyanguren, hepe sa Sta. Ana Police Station nga dugay na nilang gipanid-an ang lihok sa suspetsado diin niadtong Huwebes positibo kini nga namaligya sa mga pulis og illegal nga drugas.
Dugang ni Uyanguren nga si Akmad ang tigsuplay sa mga nagkalain-laing lugar sa Davao City sa gituohang shabu.
Napasaka na sa kapulisan ang kasong pagsupak sa Republic Act 9165 kon Comprehensive Dangerous Drugs Act of 2002 batok sa suspek didto sa korte niadtong Biyernes.