Drill sa Camiguin impresibo

IMPRESIBO alang sa mga evaluator ang gipakitang training sa mga rescuer, responders nga Camiguinon atol sa 2nd Quarter Nationwide Simultaneous Earthquake Drill niadtong adlawng Huwebes nga gipahigayon sa lungsod sa Mambajao, probinsya sa Camiguin.

Gipakita sa mga aktor ug aktres nga mga responder sa lungsod sa Mambajao nga gilakipan sa Local Disaster Risk Reduction Management Team, Bureau of Fire Protection; Philippine National Police, Armed Forces of the Philippines, Barangay Peacekeeping Action Teams (BPATs), Municipal Health Office/Department of Health, Municiapl Social Welfare and Development Office; Camiguin Incident Management Team, Volunteer group, Mambajao Response 1855; Philippine Coast Guard/Bantay Dagat, mga magtutudlo ug mga tinun-an.

Kini kung unsaon paspas nga makaresponde panahon sa mga natural ug man made nga mga kalamidad sama sa linog, tsunami, sunog, vehicular accident ug uban pa nga mga aksidente ug insidente nga posibleng matigayon.

Gipakita sa mga responder kung unsa sila ka andam niining klase sa mga kalamidad aron magamit kini panahon gyod sa aktwal nga kasinatian.

Si Mambajao Mayor ug umaabot Gobernador sa probinsya sa Camiguin Jurdin Jesus “JJ” Rumualdo niingon nga dihang gipahibalo kanila nga ang Mambajao, Camiguin maoy mag host sa NSED sa Rehiyon 10 taliwala paman bag-o lang natapos ang eleksyon wala gyod kini niya gibalibaran aron makakat-on ang iyang mga sakop ug makita ang kapaspas sa pagresponde.

Dinhi sab iyang gisulti nga ang probinsya nakasinati og pinaka grabe nga mga kalamidad sa mga niaging katuigan panahon pa sa pamanuoan sa iyang mipanaw na nga si Pedro Rumualdo kon asa nasinatian ang volcanic eruption, baha, buhawi, forest fire, ug uban pang grabeng kalamidad.

Sulti niini nga ang probinsya sab sa Camiguin tungod kay usa ka isla dili deretso mahatdan og tabang hinungdan nga siya naningkamot nga makapangandam kanunay. Gisigurong walay kaswalidad sa mga bisan unsang panghitabo.

"Since 2001 were trying our very best kung pwede gyod walay madisgrasya ug walay mamatay ug I always advice sa tanan mga municipal mayor nga dinhi sa probinsya sa Camiguin always prepared sa ilang mga disaster program and alll of them naay operation ug evacuation center," dugang niini.

Iya sab gisulti nga namalit sab siya og mga “Go Bag” kon asa sulod niini ang mga gamit alang sa emerhensya sama sa radyo, flahlight, pagkaon ug uban pa nga mabitbit dayon sa mga residente panahon sa unsa man nga matang sa kalamidad.

Kini nga vision iyang nasunod sa iyang amahan nga labihan kon makapangandam panahon sa kalamidad samtang kongresista ug gobernador pa kaniadto.

Atol sa NSED gipangandaman kini nila og usa ka bulan, nagpahigayon og dry run ang 3,000 ka mga aktor ug aktres ug gihimo ang nagkalain laing coordination meeting nga nagsugod pa niadtong bulan sa Mayo.

Nigawas nga impresibo ang gipakita sa mga responders dihang gi-evaluate kini sa mga personahe gikan sa PNP, PCG, BFP, Office of the Civil Defense, Philippine Information Agency.

"Congratulations sa napakagandang pagka-execute ninyo!," mao kini ang sagad nga sulti sa mga evaluator ug nihatag lang og mga tips sa uban nga mga lapses atol sa kalihokan nga gidawat sab sa mga taga Camiguin.

Human sa drill usa sab dayon ka distirbution sa mga JJ Go bag ug mga rescue equipments ang gipanghatag ni Rumualdo sa mga tunghaan sa elementarya ug sekondarya samtang 15 ka mga barangay ang giapod-aporan ug Laptop.

Gilusad sab nila ang libro nga Mambajao Disaster Preparedness Handbook nga gipanghatag ngadto sa mga tunghaan ug kabarangayan.

Gitapos ang kalihokan sa usa ka panihapon nga boodle fight kauban ang mga dinapit nga bisita.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph