NANGAYO og gamay nga panahon si Mayor Oscar Moreno aron nga makapili og lain nga mohulip sa City Director human nadestino na sa Camp Crame ang nadesisyonan unta atol sa pakigtagbo sa Regional Director Rafael Santiago.
Nasayran nga nakapili na sila si Moreno kauban ang RD sa Police Regional Office 10 ug kauban usab si Konsehal Romeo Calizo ang tsirman sa komitiba sa Police, Fire and Public safety.
Gibutyag ni Moreno nga nauyonan nga si Col. Benedicto Pintor, hepe sa probinsiya sa Bukidnon ang mohulip isip CD sa Cagayan de Oro Police Office apan nadestino na kini sa crame hinungdan nga magpili na usab kini og usab.
“Actually I chose Col Pintor pero na assigned naman siya sa Crame so I have to choose another one, wala pa lage, naay tulo ka ngalan nabilin we will talk about that,” matud ni Moreno.
Gidugang pa niini nga napili si Pintor human usab gibalanse ang ilang mga ‘strength and weaknesses’ apan lage kay naa na kini sa crame ug gani nibutyag nga angayan lang usab kini sa maong posisyon sa crame.
“I think he deserves that it’s a loss to Cagayan de Oro pero a gain to Intelligence community, okay lang, at least familiar man siya sa terrain dinhi so gamit kaayo siya didto sa crame for Region 10 so we’ll have to choose another one,” dugang niini.
Giingong dili usab kini problema ang importante lang nga kinahanglan nila nga magtagbo ug mag-istorya pagbalik aron nag timbangon ang mga “pros and cons” tungod na usab kay wala may perpekto nga Chief of Police, mayor ug indibidwal ang kinahanglan lang mao ang insaktong sangkap.
“Naa may 10 days ana, elapse for the first set so mao tong kami ni General Calizo mag-istorya mi kay I will talk to General Santiago to ask for another 5-10 days , ang importante mag istorya mi,” dugang niini.
Kahinumdoman nga namatay ang City Director sa siyudad nga si PCol Nelson Aganon human nga naaksidente sa pre-jump sa motorcycle riding course.