SUSAMA nga naibtan og tunok ang abogado ni Mayor Oscar Moreno human gipaboran sa Court of Appeals (CA) ug gibasura ang 24 niini ka mga administratibong kaso tungod sa walay igong ebedensiya.
Ang maong mga kaso naglakip sa kontrobersiyal nga pagrenta sa mga heavy equipment tungod kay giingong wala kini niagi og public bidding niadtong gobernador pa kini sa Misamis Oriental.
Lakip niini nga kaso sila si Engr. Rolando Pacuribot, Elsie Lopoy, Patrick Gabutina, Leemar Tinagan, Elmer Wabe ug Divina Bade.
Giingong pakyas ang ombudsman sa pagpresentar sa insaktong mga ebedensiya batok sa mga opisyales rason nga ang 12th division nakadesisyon sa pagbasura.
Atol sa press conference niadtong Hunyo 21, adlaw nga Biyernes gibutyag ni Atty. Dale Bryan Mordeno, chief legal counsel ni Moreno niingon nga naibtan kini og tunok ilabi na nga dili lalim ang bation isip abogado.
“Feeling of relief and unloading of burden kay isip iyang abogado dili gyud malikayan kay kini nga mga kaso nga ingon ani murag naay tunok imong dughan ba kay simbako unsay dangtan,” matud ni Mordeno. And to my relief dako kaayo og ibot sa tunok nga gipaboran ta sa court of appeals,” dugang niini.
Gidugang pa ni Mordeno nga ang maong mga transaksiyon gipaubos na og regular audit ug walay insaktong mga ebedensiya. Magduso usab kini og manifestation sa Sandiganbayan aron ipahibalo ang maong dismissal ug kumpiyansa nga mabasura usab ang 22 ka mga kriminal nga kaso.
“If we are going to relate this to the criminal aspect of the cases nga naa karon sa Sandiganbayan all the more that there is sufficient ground that this cases, criminal cases will be dismissed kay gani ang substantial evidence wala gani na met how much more ang prove beyond reasonable doubt," dugang ni Mordeno.
Samtang dako ang pasalamat ni Moreno tungod kay giingong walay kamatuoran ang mga akusasiyon batok kaniya ingon man mas nadasig siya nga moserbisyo.
“Nothing is greater perhaps, nothing is sweeter than being vindicated no especially if the vindication pertains to a string of a design and premeditated accusations involving various personalities,” matud ni Moreno.
"So here we are with this decision of the court of appeals we are doubly inspired and doubly committed and this is a very very timely especially as we are about to begin out third and final term as mayor of Cagayan de Oro City,” dugang niini.