PIPILA ka mga tinun-an ang giingong gisudlan og dautang spirito sa usa ka tunghaan sa lungsod sa Initao Misamis Oriental.
Si Police Captain Arlyne Ranario hepe sa Initao Police Station nga Pipila sa tinun-an mikumpirmar niini ug miingon nga gasinggita ug mga pulong ang pipila ka mga tinun-an ug gakalain lain ang tingog.
Basi sa record moabot og 15 ka tinun-an gikan sa Initao Comphrehensive High School ang gipangdala sa simbahan ug gihupay niadtong tungora.
Kahinumduman tuig 2017 pipila sab gihapon sa tinun-an sa dapit ang gisaniban nga nahupay gihapon sa pag-ampo.
Dugang ni Ranario sa interbyu sa SunStar Superbalita nga Hunyo 20 adlawng Huwebes alas 3 sa hapon kini nahitabo ug niadtong adlawng Biyernes gideklarar nga suspendido ang klase.
Obserbahan pa usab kini sila karong adlawng Lunes. Hinoun pipila kanila nibalik na sa normal.
"Atong giampo nga unta mobalik sa normal ang tanan," kini sa ang pahayag ni Initao MayorGogoy Acain.
Gibutyag sab niini nga pag-ampo lamang ug pagsalig sa labawng makagagahom ang makahupay niining tanan.