SECTIONS
Thursday, July 18, 2019
SUPERBALITA CEBU

Barrita: Goodbye, my teacher, goobye na si Arcilla?

NAPAKYAS si Councilor-elect Alvin Arcilla sa Cebu City north district sa pagkuhag temporary restraining order (TRO) gikan sa Korte Suprema batok sa Commission on Elections Comelec) En Banc resolution nga giluwatan niadtong Mayo 28 nga nagkanselar sa iyang certificate of candidacy (COC).

Busa, ang Comelec En Banc niluwat og certificate of finality sa ilang resolusyon niadtong Biyernes, Hunyo 21. Subay sa 1993 Comelec Rules of Procedure, gihatagan si Arcilla og lima ka adlaw sa pagkuhag TRO gikan sa Korte Suprema gikan sa pagkadawat niya sa en banc resolution niadtong Hunyo 14.

Ang TRO sa Korte Suprema mao ang bugtong paglaum ni Arcilla nga makalingkod siya isip konsehal sa ikaupat nga termino. Kini tungod kay sa udtong tutok sa Hunyo 30, matapos na ang iyang ikatulo ug katapusang termino.

***

Si Atty. Marchel Sarno, election officer sa north district, niingon nga magpaabot pa siya sa writ of execution sa Comelec En Banc alang sa pagtangtang kang Arcilla. Sanglit way TRO, nahimong final ang desisyon sa en banc ug ang maong desisyon ang i-executie, matod pa ni Sarno.

Matod pa niya, ang writ of execution maglatid kon kinsa ang molangkob sa Board of Canvassers ug kinsa ang ilang ihulip kang Arcilla.

Hayan nga makabenpisyo nii mao si outgoing City Councilor Jerry Guardo nga ika-siyam ra sa miaging eleksyon. Si Guardo nidawat na sa hukom sa katawhan sa iyang distrito. Mas labi pa niyang dawaton kon makalingkod siya puli ni Arcilla.

***

Si Arcilla napili isip konsehal sa north district niadtong 2010, 2013 ug 2016. Apan si Arcilla lakip sa 12 la mga konsehal, uban ni kanhi mayor Mike Rama ug Bise Mayor Edgardo Labella, nga gisuspensog unom ka buwan niadtong Mayo 17, 2015.

Ang hinungdan sa pagsuspenso mao ang paghatag og P20,000 sa kagamhanan sa syudad og calamity assistance sa tanang opisyal ug kawani sa City Hall human sa linog ug super typhoon Yolanda niadtong 2013.

Gigamit kini ni Arcilla nga katarungan nga wa pa mahuman ang iyang termino.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph