SUPERBALITA CEBU

Garma mangulo sa PCSO; mihulip sa CCPO misibaw

Colonel Royina Garma

DIREKTOR sa Cebu City Police Office (CCPO) nga si Police Col. Royina Garma miangkon na nga gitudlo siya ni Presidente Rodrigo Duterte nga mangulo sa Philippine Charity Sweepstakes Office (PCSO).

Gitakda nga moretiro siya sunod buwan, sa Hulyo.

Nitingog na si Garma human magpakahilom sa migawas nga hugo-hugon nga mobiya na siya sa serbisyo sa Philippine National Police (PNP).

Atol sa press conference sa Police Regional Office (PRO) 7, iyang giangkon nga sugod sunod buwan opisyal nga siya nga usa ka sibilyan human siya moretiro sa pagpapulis sulod sa 24 ka tuig.

Matod ni Garma nga dugay na siya nasayod sa maong tanyag apan wala lang siya magsaba niini tungod sa kalisud sa pagdesisyon.

“It was a hard decision. It is going to be an extremely different situation for me since I will be moving from public service to corporate world,” matod ni Garma.

Human pamalandong, iyang gidawat ang tanyag ug sugod karong Hulyo 1, gitakdang mo luwat na siya isip CCPO Director ug hulipan na siya sa laing police official nga gi endorso niini ngadto sa kampo Crame.

Mohulip

Adunay tulo ka mga pangalan ang milutaw nga pilianan nga mahimong sunod nga CCPO director.

Sila kini mao si Police Col. Lito Patay, ang kasamtangang hepe sa Criminal Investigation and Detection Group (CIDG) 7, kontrobersyal nga si Police Col. Marvin Marcos sa CIDG Tacloban ug ang kasamtangan nga Provincial Director sa Siquijor nga usa usab ka babaye nga si Police Col. Angela Rejano.

Si Rejano ug Patay classmate ra usab kini ni Garma sa Philippine National Police Academy (PNPA) class of 1998.

Apan matod ni Brigadier General Debold Sinas. direktor sa Police Regional Office (PRO) 7, nga aduna na silay gi-endorso sa Camp Crame kung kinsa ang gusto nila nga mohulip ni Garma nga usa usab ka babaye.

Matod niya nga mas pabor siya nga babaye lang gihapon ang mangulo sa kapulisan sa dakbayan sa Sugbo tungod kay aduna kini baruganan nga dili maliso sukwahi sa mga lalake.

“I prefer that the next CCPO chief will still be a lady police official. We already saw what female official like Garma can do. Female have this image that is incorruptible. Just look at CCPO now, even the comfort rooms are clean,” matod ni Sinas.

Karon pa lang aduna nay nakita nga angayan nga usbon sa pagpadagan sa PCSO apan didto na niya kini ipatuman kung hingpit na siya nga maka lingcod.

Gibutyag niini nga sukwahi ang pagpadagan sa police organization ug sa usa ka ahensya diin kinahanglan pa siya nga ko adjust sa iyang kaugalingon.

“I have done my research.I know what are the pressing issues at PCSO. I already have plans but it still still premature to divulge them,” dugang ni Garma.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph