HAPIT na moabot sa 100 percent ang kondisyon ni Filipino boxing icon Manny Pacquiao, kinsa padayon sa iyang hugot nga pagpangandam alang sa iyang pagpakigbatok kang American Keith Thurman karong Hulyo 20 sa MGM Grand Garden sa Las Vegas, USA.
Sa miaging adlaw, padayon si Pacquiao sa pag-jogging sa bukid sa Griffith Observatory Park sa Los Angeles bisan nag-uwan diin iyang nabiyaan og mga 50 ka minutos ang ubang mga boksidor nga kuyog niya basi sa usa ka taho nga napatik sa philboxing.com.
Nagpakita lang kini kon unsa ka grabe ang kondisyon sa Pambansang Kamao ng Pilipinas.
“He’s (Pacquiao) in near perfect physical condition, his stamina is superb,” matod ni strength and conditioning coach Justin Fortune kabahin sa 8-division world champion.