SECTIONS
Sunday, July 21, 2019
SUPERBALITA DAVAO

Leonard sa Raptors gihapon?

SI NBA Finals MVP Kawhi Leonard giingong mo-decline sa iyang "player option" sa Toronto Raptors apan "seriously considering" nga mobalik sa NBA champs, kini subay sa report sa Yahoo Sports.

Si Leonard gilauman nga modumili sa iyang $21.3 million option, nga maoy final year sa five-year, $94.3 million deal nga gilagdaan niya sa San Antonio Spurs, nga mi-trade kaniya sa Toronto niadtong summer.

Suma pa kutob Hunyo 29 sa iyang ika-28 nga adlaw'ng natawhan siya modesisyon.

Si Leonard, nga taga-Los Angeles, gikataho nga interesadong makig-uban sa L.A. Clippers, diin ang New York Knicks laumang manghunat sab og taman kung si Leonard modesisyon nga mag-free agent.

"The appeal of returning home to Southern California is enticing to the two-time NBA Defensive Player of the Year. But with the trust the Raptors built while Leonard led the franchise to its first NBA title by upsetting the Golden State Warriors, rival executives view his current team as the favorite to land him when the free-agent negotiating period begins June 30," suma sa source.

Ang Raptors suma pa mao lamang ang tim nga makatanyag sa "max deal of five years and $190 million," nga $15 million pa nga sobra sa makuha ni Leonard sa ubang tim.

Luyo kang Leonard, giatangan sab asa mahiluna sila Kevin Durant, Kyrie Irving ug Kemba Walker inig sugod sa free agency sa National Basketball Association (NBA) karong Hunyo 30.

Gawas sa nangahisgutan, puwede sab mabira gikan sa free agency ang All-Star reserves nga sila si Khris Middleton, Nikola Vucevic ug Klay Thompson.

Dili pa lang dugay, ang laing All-Star nga si Anthony Davis nakahimo og langas dihang nabalhin siya gikan sa New Orleans Pelicans ngadto sa Los Angeles Lakers diin iyang ikauban ang four-time MVP LeBron James.

Apan labing seguro, mas grabe langas ang mahitabo inig abot sa free agency hilabi na kon adunay All-Stars nga mabalhin og laing puwersa.

Sa kinatibuk-an, kapin sa 200 ka mga maagduduwa ang free agents. Ang magamit pa nga salary cap sa liga milapas na og $500.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph