NAGPA-BLOTTER sa Sta. Ana Police Station ang usa ka masahista human siya gibaharan ug gidumog sa iyang kauban kay naglagot nga wala kini miapil sa ilang pag-invest sa usa ka money investment group.
Ang biktima mao si Reynald (bansagon gitago), kinsa nagsaysay nga gidumog siya sud sa usa ka SPA center sa Sta. Ana Avenue sa siyudad sa Davao diin asa siya nagtrabaho.
Nasayran nga gihanyagan siya sa iyang kauban nga masahista nga moapil apan mibalibad ang biktima ug giingong namulong og negatibo labot money investment.
Didto perteng sukoa ni alyas Helen, kinsa maoy mihanyag kaniya, hinungdan nga gidumog siya.
Naguol sab si Reynald dihang giingong gibaharan siya sa lain pa niyang kaubanan labot sa nahitabo.
Igo na lang sa pagpatala ang biktima diin ang maong kaso gihandos na sa barangay aron didto sila mahusay. (Jeepy P. Compio)