NALUYA matud pa ang usa ka kabaw nga mora og naglihi human gilugos sa hubog duha na ka semana ang nakalabay sa probinsiya sa North Cotabato.
Giingong duha ka mga babaye ang nakasaksi sa paglugos sa hubog sa kabaw nga gipanag-iyahan sa ilang silingan sa usa ka barangay sa Midsayap sa nahisgutang probinsya.
Sumala pa nga nasaksihan mismo sa mga babaye kung giunsa sa hubog paglugos ang kabaw sa ilang silingan.
Dugang gisaysay sa duha ka mga babaye, wala panganli alang sa ilang seguridad, nga mora sab og giganahan ang hayop sa dihang gilugos siya sa suspek gumikan kay wala kini maglangas ug way timik.
Apan tungod sa kahadlok sa duruha ka saksi, dali silang nangayo og tabang sa ilang mga silingan nga lalaki, hinungdan nga nidagan ang suspek.
Ang tag-iya mismo sa kabaw nagkompirma nga luya ang iyang alaga, ug kanunay nga gikapoy, nga mora og naglihi ug talagsa na lang nga mokaon.
Naalarma sab ang ubang mga molupyo sa maong barangay, ilabi kadtong mga saksi nga babaye kay basin og balikan sila sa suspek ug luguson sab.
Tungod niini, mga opisyal sa barangay ug mga miyembro sa Barangay Peacekeeping Action Team nagtinabangay nga magronda matag gabii ug gialerto ang mga molupyo batok sa suspek nga wala pa madakpi.