Castro out, Ravena in

SELYADO na ang luna ni Kiefer Ravena alang sa Gilas Pilipinas nga mokombati sa FIBA Basketball World Cup nga sugdan karong Agusto 31 sa China.

Gipasabot ni national coach Yeng Guiao nga si Ravena maoy iyang ipuli kang Jayson Castro, kinsa mibalibad sa pagrepresentar sa nasod ning higayuna gumikan sa personal nga rason.

“It’s almost a done deal doon sa slot ni Jayson,” matod ni Guiao nga napatik sa Spin.ph.

“Sa akin kasi, as of now, he is the most logical choice to fill out the spot of Jayson.”

Si Castro, kinsa maoy No.1 pointguard sa Asya ug dugay nang nagduwa sa national team, bag-uhay lang nagpakasal ug gusto siyang mohatag og mas dakong atensyon ngadto sa iyang pamilya.

Masaligon si Guiao nga bisan bag-o lang nakaapil og balik si Ravena sa ilang praktis tungod kay naserbisyo kini’g 18 ka mga buwan nga suspensyon sa FIBA, makakombati lang gihapon kini og insakto.

“He is going to be competitive and he is going to be ready for the World Cup,” dugang ni Guiao.

Gipasabot nang daan ni Ravena nga wala siya nagpasagad sa iyang lawas bisan suspendido.

Sa laing bahin, nakadawat og imbetisyon ang rookie sa NorthPort Batang Pier nga si Robert Bolick aron moapil sa Gilas Pilipinas Men’s pool.

Matod ni Bolick nga mismong si Guiao ang miimbitar kaniya.

“Oo, pupunta ako. Nagpapasalamat ako na nabigyan ako ng chance na makalaro sa national team. Pangarap ko na makasama sa Gilas dati pa,” asoy ni Bolick. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph