SUPERBALITA CAGAYAN DE ORO

15 kanhi NPA hingpit na nga sundalo

CAGAYAN DE ORO. Kanhi bakwit sa Kapitolyo sila Bernie ug Rante Calimhay usa na karon ka sundalo kinsa niingon nga kanhi sila sakop sa New People's Army. (Steph V. Berganio)

NANUMPA na sa ilang bag-ong katungdanan isip sakop sa Armed Forces of the Philippines (AFP) ang 15 ka kanhi sakop sa New People's Army (NPA), tulo ka mga lumad, ug gitunolan og M16 nga armas diha mismo sa hawanan sa Kapitolyo human sa pagpakayab sa nasudnong bandila.

Si Colonel Edgardo De Leon, commander sa 403rd Brigade, maoy nangulo sa pagpanumpa.

"Sila po ay nagbalik loob last 2017 at sa utos po ng ating Pangulo, bigyan natin ng panibagong pagkakataon na dating rebelde. Inutos ng ating Pangulo na yong maging qualified na sundalo ay mag-training sa sundalo upang maging sundalo sila," pagpasabot ni De Leon.

Dugang niini nga nigradwar sila tulo ka bulan ang nilabay isip private ug nagpadayon ang ilang espelasisyon training sama sa jungle warfare training operation course usa gideploy sa lain-laing unit.

Ang gipresenta anaa karon na-assign sa 58th Infantry Battalion (58IB) gipangulohan ni Lieutenant Colonel Roy Derilo.

"Masaya ang kanilang pamilya dahil dati nandoon pa sila sa underground movement. Hirap na hirap po sila, ngayon ay member na sila. May serial number at private na po sila," matud niini.

Midawat na usab kini sila og sweldo ug adunay dakong kahigayonan nga ma-promote.

Human sa unom ka bulan na usab nga laing training, mahimo na dayon sila og usa ka private first class ug laing training hangtod sa lain na usab nga promosyon.

Kini sab sila nakabenepisyo sa programa sa gobyerno nga E-Clip.

"They are newly private enlisted private ng Philippine Army," dugang ni De Leon.

Kung mamatikdan nga anaa sa ilang dughan ang mga armas, kini nagpasabot nga dili kini abusohan.

Unang higayon sab sa kasaysayan sa mga sundalo nga adunay kanhi rebelde nga nahimong sundalo kini tungod lamang sa programa ni Presidente Rodrigo Duterte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph