DRUG surrenderer gipusil-patay sa nagmotorsiklong mamumuno sa Barangay Cantabako, dakbayan sa Toledo kagahapon Hunyo 23.
Ang biktima mao si Levi James Villanueva, 22, ulitawo, taga Barangay Luray 2, Toledo.
Si Police Master Sgt. Bombeno Enriquez sa Toledo police nagkanayon nga base sa saysay sa nakaksi nga nakadungog og duha ka buto sa armas ug sa dihang gisusi sa gawas nakit-an nalang nga nahagba na ang biktima diha sa kalsada.
Ang biktima daling gidala sa Carmen Copper Hospital sa Barangay Das, Toledo apan nakabsan kini sa kinabuhi tungod sa fatal nga igo sa bala.
Matod ni Villanueva nga wala pa matino ang motibo sa pagpatay apan lakip sa ilang susihon mao ang anggulo sa gidiling drugas sa dihang nasuta nga ang biktima kanhi drug surrenderer.
Dugang pa nga lakip nga sutaon kon nganong naabot sa bukitang barangay ug unsay tuyo niini, human napuyo kini sa sentro sa dakbayan. (GPL)