GILUBONG na kagahapon, Hunyo 24, ang kontrobersyal nga kanhi mayor ug kasamtangang konsehal sa lungsod sa Medellin nga si Ricardo “Ricky” Ramirez sa Queen City Garden sa dakbayan sa Sugbo.
Apan ang pamilyang Ramirez nihangyo sa media nga dili mo-cover sa kalihokan alang sa solemne nga seremonyas sa pagpalubong.
Si Ramirez gipusil-patay sa gbana-bana 15 ka mga armadong tawo sulod sa Bogo Medellin Medical Center.
Apan hangtod karon wala pay matumbok ang kapulisan sa Medellin nga suspek ug motino sa krimen.
Nagduda si Police Brigadier General Debold Sinas , direktor sa Police Regional Office (PRO) 7, nga kadtong mga nakontra ni Ramirez sama sa iang napusilan ug namatay ang usa sa mga nasuko kaniya hinungdan nga gipanimaslan.
Gibakwi na usab ni Sinas ang unang gitukod nga Special Investigation Task Group (SITG) sa Cebu Provincial Police Office (CCPO) sanglit wala kini masulod sa criteria nga angayan nga umolan og SITG.
“Una there is suppose to be government employees. Ikaduha, if they are AFP ug PNP personnel, Ikatulo, kung the case affects the prevalent peace and order situations of the area," asoy ni Sinas sa Superbalita Cebu.
Makigtagbo si Sinas sa hepe sa Medellin aron pagsusi sa imbestigasyon tungod sa mando si PNP Chief Police Gen. Oscar Albayalde. (AYB)