SECTIONS
Thursday, July 18, 2019
SUPERBALITA CEBU

Milayat sa Mactan Bridge kay gibiyaan sa hinigugma

Contributed photo

USA ka habal-habal driver nga gihulagway nga wala na sa iyang husto nga panghunahuna ang nilayat sa unang Mactan-Mandaue bridge.

Matod pa nga nalisuan kini sa pangisip human nga gibiyaan sa hinigugma.

Naalarma ang kapulisan sa Opao Police Station, lakip na ang mga rescuer sa Mandaue City Disaster Risk Reduction and Management Office, kabomberuhan ug mga residente sa barangay Looc, niadtong Lunes sa alas 10 sa gabii, Hunyo 24.

Ang 23 anyos nga lalaki (kansang pangalan gipugngan ning mantalaan) taga syudad sa Naga.

Si Police major Mercy Villaro, ang tigpamaba sa Mandaue City Police Office, nga unang pangangkon sa lalaki nga adunay nagsunod kaniya nga buot mopatay.

Sa pagresponde sa kapulisan, ilang naabtan nga nagkapa-kapa na ang lalaki diha sa dagat ilawom sa taytayan.

Dali kini nga gitabang, apan taud-taud gyud ang negosasyon aron kini mohaw-as sa dagat.

Gani nilanat pa og halos 30 minutos, human nga bisan kon anaa na kini sa mabaw nga bahin sa dagat, nikuha kini og bato, ug nihulga sa mga tawo nga ipukpok sa iyang ulo kon adunay moduol kaniya.

Hangtud nga usa sa mga rescuer ang nilipot sa iyang likud, ug gikalit kini sa paghalog ug gikuha ang bato.

Dali kini nga gidala sa Mandaue District Hospital alang sa medikasyon ug didto nasuta nga posibleng anaa kini psychological problem. Gidala kini sa Vicente Sotto Memorial Medical Center alang sa psychiatric examination.

Gipasusi pa sa kapulisan kon insakto ba ang gihatag niini nga pangalan ug kon unsay background niini.

Lakip sa susihon kon aduna ba kini record sa ilang lugar nga nalambigit sa bisan unsa nga klase sa krimen o sa ilegal nga drugas ilabi na kon tiggamitan ba kini o namaligya ba.

Sa pagkakaron nagpabilin pa ang maong lalaki sa VSMMC. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph