MANILA--Congratulations kang Sylvia Sanchez tungod kay siya ang midaug as Best Actress sa 2nd Subic Bay International Film Festival nga gipahigayon niadtong June 24 sa pelikulang “Jesusa”. Ikaduhang Best Actress na kini ni Sylvia this year tungod kay a few weeks back, siya sab ang Best Actress sa Sinag Maynila sa parehong pelikula.
Napanood ko na ang Jesusa sa special screening niini nga gipahigayon sa West Avenue Suit sa West Avenue, Quezon City a few months back ug nagkahiusa ang mga giimbitaran sa maong special screening nga may laban si Sylvia Sanchez sa pagka-Best Actress tungod kay grabe ang akting nga iyang gipakita.
Usa ka adik nga nanay ang role ni Jesusa nga tanang gamit nila sa balay iya nang gipamaligya bisan ang Super Kalan para lang makapag-shabu.
Well, tan-awon nato sa uban pang award giving bodies. May mingtagna man gud nga basin og maka-grand slam si Sylvia karong tuiga pinaagi sa iyang lilas nga Jesusa.
•••
Kung ang nag-viral nga bayot nga si Erika Embang ang pasultihon, gutom kuno siya sa probinsiya. Sa dihang nibaskyon siya og pipila ka adlaw sa Manila sa imbitasyon ni Lloyd Cadena, sige ra kuno siyang busog didto. Kabaliktaran naman ang akong na-experience sa kasamtangan tungod kay sa Manila, super tipid ako sa pagkaon pero karong nagbakasyon ako dire sa Valencia, Negros Oriental, sige ra kong busog ug ilugan ko sa akong mga igsuon, mga pag-umangkon ug mga ig-agaw kay adto sa ilaha ko pakan-on. Super busog ako karon ilabi na kay tiyempong ting-mangga, gapasad ang mangga ug ang mga bata dili manumbaling tungod sa kadaghan.
Case to case basis lang siguro na. Kung kugihan ka or ang imong mga siblings, bisan og naa ka sa probinsya pero makakaon jud. Ang nakalami pa, organic og very fresh ang makaon nimo nga prutas sa probinsya.
May latest videos ako kabahin sa akong pagbakasyon sa Brgy. Balili, Valencia, Negros Oriental nga inyong makita sa akong YouTube account nga Timmy Basil ug sa akong FB Page nga Dear Tito Timmy.