MGA duwa karon:
5:30 pm- SWU batok USC (high school)
7:00 pm- USPF batok CITU (college)
Langkaton og suway sa University of Southern Philippines Foundation (USPF) Panthers ang ikaduha nilang sunodsunod nga kadaugan sa ilang pagpakigbatok sa Tough Gera/Cebu Institute of Technology University (CITU) Wildcats sa main game karong gabii sa Cebu Schools Athletic Foundation Inc. (CESAFI) 2019 Partner’s Cup sa Cebu Coliseum.
Human sila nasubhan og duha ka sunodsunod nga kapildihan, ang Panthers ningbangon ug ilang gipakaging ang mas inilog nga University of San Jose-Recoletos (USJ-R) Jaguars , 95-92, sa labing ulahi nilang duwa niadtong Sabado.
Ang kadaugan sa Panthers batok sa Jaguars seguradong makahatag kanila og dugang kadasig sa pagpadayon sa ilang kampanya nga magamit nila sugod ning duwaa.
Batok sa Wildcats, dili ikalimod nga makonsiderar nga inilog ang Panthers apan wala kini nagpasabot nga puwede na silang molugak og gamay.
Wala pa man tuod nakadaog ang Wildcats sa nag-una nilang upat ka mga duwa apan gilaumang nahashasan ang ilang kapasidad sa ilang nasinati sa nag-una nilang upat ka mga duwa.
Sa premirong duwa, magtagbo ang Tough Gear/Southwestern University (SWU-Phinma) Baby Cobras batok Cebu Elite/ University of San Carlos (USC) Baby Warriors sa high school division. (ESL)