PATAY na dihang nahidangat sa ospital ang usa ka lalaki human gituohang nalumos samtang naligo sa dagat diha sa Barangay Baluarte, lungsod sa Tagoloan, Misamis Oriental.
Giila ang biktima nga mao si Jimmy Acain, 47, minyo, residente sa Tinago, Natumolan susamang lungsod.
Si Ralph Cosin gikan sa Municipal Disaster Risk Reduction Management Office sa lungsod sa Tagoloan mitawag sa buhatan sa Tagloloan Police Station human gikareport una nga adunay usa ka lalaki naglutaw-lutaw sa baybayon nga bahin sa Baluarte.
Sa pagresponde sa kapolisan, naila ang biktima nga si Acain ug suma sa higala niini, hubog kini nga wala namatikdan nga mikaligo sa dagat. Ilang gipangita ug mao na lamang ilang nadiskubre nga naglutaw sa dagat.
Gidala pa sa MDRRMO ang biktima sa St. Paul Hospital sa lungsod sa Tagoloan apan dead on arrival kining gideklarar sa mga doktor.
Kahinumduman bibo ang kadagatan niadtong adlawa tungod kay San Juan ug tradisyon sa mga Romanong Katoliko nga mangaligo og dagat panahon sa kasaulogan niini.