NAPALGANG naglutaw ang usa ka giingong dunay deperensiya sa pangisip human nga gitoohang nalumos niadtong nilabay nga adlaw sa Green Heights, Barangay Balulang ning siyudad sa Cagayan de Oro.
Ang biktima naila nga si Jeffrey Estellogo, 27, nahanaw niadtong adlaw pa nga Sabado, Hunyo 23 ug gidala sa nakakita diha sa Seawall, Accretion Area, Barangay Macabalan ning siyudad.
Sa pakighinabi sa Sun.Star Superbalita kang Police Executive Master Sergeant Terencio Virtudazo, sa Police Station 5 (PS5) sa Macabalan gibutyag niini nga walay nakitang foul play sa kamatayon ni Estellogo.
“Nalabyan sa mga mananagat, giguyod sa may bukana para dili maanod, atong Sabado daw nawala anad naman daw gud na nga magligo-ligo, oo mentally ill,” matud ni Virtudazo.
Ang patay nga lawas ang anaa na sa Bollozos Funeral Homes sa Bulua samtang nagtoo usab ang pamilya nga wala kini gipasipad-an apan ipailalom gihapon kini sa otopsiya.
Samtang niadtong adlaw nga Dominggo napalgan usab nga patay si Michael Avanceña , 31, taga Barangay Carmen ning siyudad kinsa gitoohang nalumos sa usa ka resort sa Brgy. Bonbon ning siyudad.