SUPERBALITA CAGAYAN DE ORO

Most Outstanding Lupong Tagapamayapa sa MisOr gipasidunggan

GIPASIDUNGGAN ug gihatagan og tropeyo lakip cash incentives ang mga mananaog sa 2018 Most Outstanding Lupong Tagapamayapa nga gibasi sa provincial evaluation nga gipahigayon sa Department of Interior and Local Government (DILG) sa Misamis Oriental ug personahe sa Kapitolyo Probinsyal niadtong Marso 1 ngadto Marso 9 ning tuig.

Sa evaluation sa mokabat 424 ka barangay sa lalawigan sa Misamis Oriental, gisumiter sa ilang tagsa-tagsa ka mga munisipyo ang mga barangay nga aktibo sa pagpahapsay sa ilang tagsa-tagsa ka barangay.

Gipangunahan mismo ni DILG provincial director Engr. Marisia Naybe ang pagtunol ug pag-ila sa mga mananaog.

Alang sa Category A sa 1st class ngadto 3rd Municipality, nahimong 1st placer ang Barangay Imelda sa lungsod sa Villanueva, Misamis Oriental; 2nd placer ang Barangay Poblacion sa Lugait; 3rd placer ang Barangay Binitinan sa lungsod sa Balingasag.

Sa Category B alang sa 4th ngadto 6th class municipality, nahimong 1st placer ang Barangay San Isidro sa lungsod sa Magsaysay; 2nd placer ang Barangay Aromahan sa lungsod sa Laguindingan; ug 3rd placer ang Barangay Taparak sa lungsod sa Alubijid, Misamis Oriental.

Alang sab sa Category C kon Component City, naangkon sa Barangay 18 sa siyudad sa Gingoog ang 1st Placer.

Gipasabot ni DILG provincial director Naybe nga tinuig ang pag-ila sa Most Outstanding Lupong Tagapamayapa.

“The barangay justice system is an extra governmental mechanism in the preservation sa atong kultura nga kaniadto pa in settling amicably interpersonal dispute in the cummonity or in our barangay so ang local gavernment of 1991 or RA 7160 nagahatag og katungod sa punong barangay ug sa iyang lupong tagapamaya nga magsettle sa giganmay nga away sa matag komunidad sa matag barangay,” pagpasabot niini.

Gipasabot sab dugang niini nga ang tanan nga mga away away sa barangay kinahanglan masulbad ug dili na ipaabot pa sa korte ug ngadto sa kapolisan.

“Ang concerned sa katarungang pang barangay is that immediate and speedy of justice so dili na ipaabot sa korte dili na paabot sa PNP kanang ginagmay nga away diha na sa Lupon, dugang niini.”

Ang paghatag pasidungog ngadto sa mga outstanding barangay usa ka tradisyon na sa Kapitolyo probinsyal nga gipangunahan ni Misamis Oriental Governor Bambi Emano tungod kay kini sila ang naningkamot nga masulbad ang mga ginagmayng away nga dili na mapadako sa matag barangay.

Gihatag ang ilang award niadtong adlawng lunes dungan sa pagpakayab sa nasudong bandila sa Kapitolyo Probinsyal.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph