SECTIONS
Saturday, July 20, 2019
SUPERBALITA CAGAYAN DE ORO

Calimhay: Mga bakwit pulos masa

DUHA ka mga bakwit nga magsuon nga karong hingpit na nga sundalo ang adunay gibulgar kalabot sa ilang mga kaubang bakwit sa Sitio Mikamansi, Banglay, lungsod sa Lagonglong, Misamis Oriental.

Si Rante Calimhay niingon nga unta mamalik na sa Sitio Mikamansi ilang mga kauban tungod kay malinawon ang dapit apan duna sab kini gibulgar sa iyang pipila ka mga kauban nga usa ka masa.

“Kana sila mga bakwit tanan masa kay sa Kamansi walay ingon nga dili masa,” dugang niini ug miingon nga sukad adunay sundalo nagbantay walay gubot sa dapit.

“Wala nay kagubot sa Sitio kamansi unta malipay sila nga nay mogwardya sa ilaha military aron malinawon ang among puloy-anan kay kung magpabilin ang NPA walay kalinaw,” dugang niini ug laraw nga makita iyang pamilya nga anaa karon sa kabukiran.

Sa iyang bahin sab ni Bernie Calimhay, aduna kini gibulgar kalabot kang Jhunrey Hilogon kinsa kasamtangan nagsilbing tigpamaba sa mga bakwit karon panahona.

“Si Jhunrey, organizer sa Sitio Mikamansi ug kibanban dili lang siya masa kay miyembro na kana sila sa balangay nakapadipa sa 21 ka adlaw. Aktibo nga masa sa legal siya ang kauban nako sa una sa tigpalusot sa kwarta bugas ug bala ug mga armas,” pagbulgar niini.

Giklaro sab niini nga dihang misibat siya kaniadto samtang bakwit pa sa kapitolyo walay kamatuoran nga gipasakitan siya sa mga sundalo.

“Wala ko gidagit ug ako mismo giduol sa sundalo bisan kusi sa sundalo wala ko dapati. Subo lang ko kay akong pamilya nga wala pa nako nakuha akong asawa,” butyag niini.

Pagklaro sab niini nga ang mga bakwit napugngan lamang ni Jhunrey.

“Gipugngan rana ni Jhunrey Hilogon mao na dili mobalik kay gubot kami sa tinuod lang nagtugot mi nga mokampo sa komunidad kay layo raman ang mga sundalo ug malinawon naman karon” dugang niini ug miklaro nga ang sige panawagan ni Hilogon nga papahawaon ang mga sundalo adunay usa lamang ka rason.

“Kay gusto nila nga papahawaon ang sundalo kay usa man sila ka miyembro sa NPA. Dili na kaduol ang NPA didto. Wala nagyud kagubot,” dugang niini ug miingon nga dili niya maantos samtang siya bakwit kay dili siya makalakaw ug makagawas. Napugos sab sa pagka miyembro sa NPA tungod sa mga hulga.

Sa uwahing interbyu sa Superbalita kang Hilogon, unang gibutyag niini nga dili siya sakop sa NPA apan dili lamang niini ikalipay nga magpundo ang mga sundalo sa Sitio Mikamansi tungod kay sila maoy gakaipit sa giyera nga gakahitabo sa ilang dapit.

Hugot nga gibarogan niini nga wala silay lain balhinan kondili ang ilang lugar lamang sa Sitio Mikamansi ug dili bisan asang dapit susama sa mga tanyag kanila sa Kapitolyo Probinsyal ug lokal nga kagamhanan sa Lagonglong.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph