MALITA, Davao Occidental -- Migula na ang mga persons of interest sa kapulisan sa dapit labot sa kamatayon sa tag-iya sa beach resort sa Barangay Lacaron niadtong Hunyo 14 ning tuig.
Sa interbyu sa RMN Davao kang Davao Occidental Police Provincial Director Colonel Narciso Bayugo nga nangalap sila og mga CCTV footages nga makatabang sa pag-identipika sa lima ka mga mamumuno kinsa responsable sa pagpatay sa biktima nga si Wilfred Valenzona samtang sakay kini sa iyahang itom nga Ford Ranger.
Human makabsan sa kinabuhi ang biktima gidagit usab ang kuwarta niining nagkantidad og P300 mil.
Dugang niini, gisumite na alang sa ballistics examination ang mga narekober nga mga basiyo sa bala sa crime scene.
Sumala ni Bayugo nga love triangle ug robbery ang gilantaw nila nga anggulo sa krimen. (RadyoMaN Aimee Guinita/Jeepy P. Compio)