SUPERBALITA CEBU

School building tiwason ni Ahong

PROYEKTO sa kagamhanan sa Dakbayan sa Lapu-Lapu nga wa matiwas sa termino ni outgoing Mayor Paz Radaza ipadayon ni Mayor-elect Junard Chan.

Nisaad si Chan nga di niya babagan ang katukoran sa P70 milyones nga Arts and Design School Building nga mapahimuslan niadtong scholars sa Siyudad nga bag-uhay lang mitapos sa ilang arts course sa Taiwan ug uban pang mga tinun-an.

Si Radaza nipasabot nga implementation na lang ang kuwang sa proyekto kay ang school board mi-approve na sa budget nga gikinahanglan alang sa katukoran, apan naabtan sa pagpupos sa iyang termino.

“That would be up to him (Chan) to implement. Naa naman ang budget (building construction),” dason ni Radaza.

Ang school building mahimutang unya sa Looc National High School.

Si Chan, sa iyang bahin, niingon nga ang education maoy top priority sa iyang pamunoan ug wa siyay nakitang dautan sa proyekto ilabi na nga mapahimuslan sa kabataaan.

“Honestly, ang Siyudad short sa school building. We will continue on that (project),” tubag ni Chan.

Siya nisaad usab nga buot sab niya mapalapdan ang pagtunol og livelihood program sa mga Oponganon nga jobless hinungdan nga mopatukod sab og training center.

“Ang Lapu-Lapu industrial city naa tay daghang mga kompaniya ug para mas madali ang ilang panarbaho, ang Siyudad motabang og train sa atong mga kaigsuonan,” dason sa opisyal.

Lakip sa hatagan og unang pagtagad sa bag-ong mayor mao nga mapadali ang renovation sa City Hospital, trapiko ug socialized housing.

Gipaambit ni Chan nga niadtong miaging semana nakigtagbo siya ni Presidente Rodrigo Duterte ug gipahinumduman siya nga limpyohon ang Lapu-Lapu sa illegal drugs.

Masaligon si Chan nga pinaagi sa abag sa hepe sa City Police Office P/Col. Limuel Obon, matabangan siya.

Si Chan usa sa lokal nga mga kandidato nga giendurso ni Duterte sa miaging eleksyon.

Usa kini sa gituohang rason sa iyang makakuggang nga kadaugan.

Karong Hunyo 30, Dominggo sa Hoopsdome, manumpa si Chan isip bag-ong mayor sa Lapu-Lapu.

Sa maong adlaw, magtagbo ang transition team sa bag-ong pamunoan ug ni Radaza alang sa opisyal nga pag-turnover sa mga dokomento sa city hall. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph