SUPERBALITA CEBU

Andales, Arcilla ug Margot gipasidunggan sa konseho

GIPASIDUNGGAN kagahapon sa Cebu City Council pinangulohan ni outgoing Vice Mayor Edgardo Labella ang tulo ka mga konsehal nga nakahuman sa ilang tulo ka termino.

Sa wala pa pormal nga nagsugod ang katapusang regular session sa 14th Sanggunian, gihatagan og plaque of recognition silang Konsehal Margarita Osmeña, Alvin Arcilla ug Sisinio Andales.

Si Andales gihatagan og laing pasidungog sanglit sa 18 ka konsehal lakip na ang duha ka ex-officio member, siya ra ang way palta sa regular session sukad niadtong tuig 2010.

Atol sa distribution sa plaque, gi-suspenso una ang House Rules diin atol sa pagdawat nilang Andales ug Arcilla nipahiyom ang mga tawo sa gallery sanglit ang duha adunay pending nga kaso sa Comelec En Banc ug sa Supreme Court.

Kini kabahin sa ilang subling pagpapili sa miaging piniliay, bisan pa man og gidid-an na sila sa Commission on Election (Comelec). Sigon sa nalatid sa balaod ang mga local elected officials gitugotan lang nga makadagan ug makaserbisyo sa susamang posisyon sulod sa tulo ka sunodsunod nga termino o siyam ka sunodsunod nga katuigan.

Si Labella wala na nipasabot kon nganong wa na giapil sa paghatag og recognition ang mga napilde sa niaging piniliay ug kadtong wala na nidagan.

Ang napilde sa position nga ilang gidaganan mao silang Mary Ann de los Santos, Joy Pesquera (Congress) Jerry Guardo, Joel Garganera , Pastor Alcover Jr. samtang ang wala nagpasubli mao silang Konsehal Joey Daluz III ug James Cuenco.

Mayoriya

Samtang sa laing bahin, gibutyag ni Labella nga kon molampos si Allen Canoy sa hingpit niyang pagpakanselar sa certificate of candidacy ni Arcilla ug Andales, hayan mahimo nang mayoriya ang Barug-PDP-Laban sa konseho.

Kon aduna nay writ of execution gikan sa korte, ang mohulip kang Arcilla mao si Guardo samtang si Garganera ang mopuli ni Andales kansang kaso naapa sa Comelec En Banc human siya niduso og motion for reconsideration.

Si Guardo ug Konsehal Dave Tumulak nipadayag na og suporta ni Labella.

Si Arcilla, Andales, Guardo ug Tumulak pulos alyado sa BOPK nga mao na usab ang opposition samtang si Garganera kaabin sa Barug-PDP-Laban.

Kon mahinayon, sa 18 napulo na unya ang kaalyado sa kampo ni Labella.

Si Tumulak ug Guardo mga orihinal nga sakop sa Barug-Team Rama nga karon mao na ang PDP-Barug-Laban, sa wala pa sila motapon sa Bando Osmeña-Pundok Kauswagan (BOPK). (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph