Abrugena out; Mariano in

Hulagway kuha ni Wenilyn Sabalo
Hulagway kuha ni Wenilyn Sabalo

BAG-ONG hepe sa kapulisan sa probinsya sa Sugbo nilingkod sa katungdanan hulip kang Police Col. Manuel Abrugena, kinsa idestino balik sa National Capital Regional Office (NCRPO).

Nihulip kaniya sa ryenda sa Cebu Provincial Police Office (CPPO) mao si Police Colonel Roderick Mariano, gikan gihapon sa NCRPO.

Si Abrugena maoy mangulo sa Presidential PNP Security Force Unit sa NCRPO nga mao usab ang gibiyaan ni Mariano.

Emosyonal nga nagpasamalat si Abrugena sa mga taga-CPPO lakip na sa mga ning-abag sa iyang mga programa, ilabi na sa mga sakop sa media.

“Napamahal po sa akin ang tao, ang tao sa Cebu, ang Cebu province po ang ituturing ko na pangalawang tahanan,” matod ni Abrugena.

Nahimong CPPO director si Abrugena sulod sa usa ka tuig usa ka buwan ug napulo ka adlaw.

Nisaad si Mariano nga iyang ipadayon ang mga nasugdan nga programa ni Abrugena sama sa kampanya batok sa illegal nga drugas ug internal cleansing.

Awhag niya sa mga pulis nga nalambigit sa illegal nga kalihukan nga undangon na kini tungod kay iyang estriktong ipatuman ang kamandoan ni PNP Chief Police General Oscar Albayalde.

Bahad usab niya sa mga durugista sa probinsya sa Sugbo nga hununong na ang ilang pagpamaligya sa illegal nga drugas sanglit seryoso siya sa mando ni Presidente Rodrigo Duterte nga puhagon ang problema sa drugas sa Sugbo.

“Warning sa mga hindi pa tumitigil na tumigil na sila at bigyan natin ng pagkakataon ang ating komunidad na mamuhay na payapa at pwede maglakad sa labas na hindi man lang mangyayari sa kanila,” matod ni Mariano. Wa pa siyay ipatuman nga lahugay ug mag agad pa siya sa giya ni PRO 7 Director Police Brig. General Debold Sinas. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph