SECTIONS
Wednesday, July 24, 2019
SUPERBALITA CEBU

2 patay sa bangga

DUHA ang nangamatay ug 10 ang nangaangol, usa niini kritikal, sa panagbangga sa usa ka multicab ug pribadong van sa Barangay Langtad, Siyudad sa Naga, alas 9:45 sa gabii sa Lunes, Hunyo 24.

Ang pag-counterflow sa multicab aron paglikay sa gubaong bahin sa karsada maoy gibasol sa aksidente.

Namatay Martes sa alas 8:50 buntag sa South General Hospital ang driver sa multicab nga si Archie Perpetual, 39, taga Brgy.Tangil, lungsod sa Dumanjug.

Unang dead-on-arrival (DOA) human sa hitabo ang iyang silingan nga pasahero nga si Wingelou Ugbamen,18, samtang kritikal ang kahimtang sa laing silingan nga si Ralph Tumacmol, hingkod.

Ang tulo giingong gikan nangaligo og dagat tungod sa kapistahan ni San Juan Magbubunyag.

Naangol ang driver sa Nissan Urvan nga si John Emmanuel Diz, 18, taga Brgy. Poblacion, lungsod sa Sibonga, ingon man ang iyang walo ka mga sakay.

Si Police Staff Sgt. Niel Villaceran, traffic investigator sa Naga Police Station nga nahinabi sa Superbalita Cebu, nagkanayon nga sila si Perpetual padulong sa dakbayan sa Sugbo dihang ilang gikasugat ang van nga padulong unta sa Sibonga.

Gikasugat nila ang Nissan Urvan nga padulong mopauli sa lungsod sa Sibonga.

Si Diaz nisulti kang Villaceran nga kusog ang dagan sa multicab dihang kalit lang nisugat sa ilang lane kay milikay sa guba sa karsada.

Apan wa na makabawi si Perpetual kay apeki na, nagkabangga ang duha ka mga sakyanan.

Sumala pa ni Villaceran, nga sa iyang paghinabi kang Ruthy, asawa ni Perpetual, sayo kining nilakaw sa ilang balay uban sa mga barkada kay nangaligo og dagat.

Wa kini mananghid sa ilang paglakaw nianang gabii.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph