GIINGONG dili na bag-o nga kaso ang pagbalhin og residency ug peke ang mikatap nga balita nga gikanselar sa buhatan sa Commission on Election (Comelec) ang pagduso ni 1st District Congressman Peter Unabia ang pagdagan niini ug pagka bise Mayor sa siyudad sa Gingoog, Misamis Oriental.
Nipagawas og pamahayah ang legal counsel ni Unabia nga si abogado Dale Bryan Mordeno nga daw iresponsable ang pagpagawas sa maong balita sa usa ka istasyon.
Pagklaro niini nga adunay padayon karon nga kaso nga disqualification nga giatubang si Unabia nga giinisyar sa usa ka abogado Miguel Paderanga giingong usa ka supporters ni outgoing Gingoog Mayor Marie Guingona.
Kini labot sa pagbakak ni Unabia sa iyang gipuy-an ug wala natuman niini ang kwalipikasyon pinasubay sa Local Government Code.
Giingong sama ra gihapon kini sa mga disqualification case nga gipasaka kaniadto sa mga kaatbang ni kanhi mayor Dongkoy Emano, Mayor Oscar Moreno.
Apan daw kini nga kaso di magpasabot nga pasagdan na lamang ni Unabia ug nagduso na sila og motion kalabot niini.
“The issue about his residence is old hat. It hounded Cong. Unabia during his campaign. It was staple in his political rally. But whether or not there is truth to such accusation. There is no better proof than the overwhelming votes cast in his favor during election,” pahayag ni Mordeno.
“What disqualification are they talking about?” Dugang niini.
Giingong wala kini nakapahulga sa kampo ni Unabia ug karong labing unang adlaw sa bulan sa Hulyo molingkod kini isip bag-ong bise mayor sa siyudad sa Gingoog human kini mihurar atubangan sa Comelec pagtapos sa ihap sa boto.