DAKO ang posibilidad nga dili na makatrabaho og balik ang usa ka empleyado sa city hall kinsa nasikop sa drug bust niadtong Hunyo 24 ning dakbayan sa Cagayan De Oro.
Si Candido Echalico Alyas Ondoy o Istigoy, 51, minyo, taga Zone 6, kinsa nasikop sa drug bust sa Gaston Park, Barangay 1.
Gibutyag ni Antonio Resma Jr., sa City Legal Office, nga dako ang posibilidad nga hingpit nga matangtang sa serbisyo si Echalico ilabi na kung mapamatud-an.
“Kung sa administrative case dako ang posibilidad kung mapamatuoran,” matud ni Resma.
Giingong wala nagkulang ang lokal nga kagamhanan sa siyudad gani nagpahigayon og mandatory drug testing ug gani nagtoo kini nga gigahinan na kini og pundo alang sa mandatory drug testing matag tuig.
“Wala man nagkulang ako personally makaingon ko nga wala man nagkulang ang city hall, ang atong local government sa pagpahibalo, in fact naa na tay mandatory drug testing man gale last year, I believe naghatag na gale og budget ang atong city council para yearly ni siya mahitabo ang mandatory drug testing,” dugang niini.