Bunga sa kakugi

SI CHINO Sy Tancontian sa Davao City mipauli samtang bitbit ang gold medal alang Pilipinas samtang ang teammates midugang og usa ka gold, duha ka silvers ug bronse sa bag-uhay lamang nahuman nga 2nd Southeast Asia Sambo Championships sa Aston Tropicana, Kota Bandung, Indonesia.

Si Tancontian, nga bag-o lang migradwar sa senior high school sa University of Santo Tomas (UST), mipildi sa kaatbang niyang Indonesian nga si Fauji Rizki sa men’s sports sambo -82 kilograms (kgs) best-of-three finals uban ang eight-point win.

“I feel happy po Ma’am as I prepared po with intense training at na-fulfill ko naman po yung goal ko na manalo po,” suma sa 18 anyos nga incoming Sports Science freshman sa Facebook interview sa SunStar Davao.

Ang UST judo varsity scholar nagdugang nga gilauman na niya ang maayong resulta sa torneyo ilabi na nga grabe ang iyang pagbansay.

“Confident po ako na makakakuha po ng place sa podium.”

Sa kasamtangan, di pa tino kung asa ang sunod nga pagsabak sa aksiyon sa atleta.

Posiblen suma pa nga moduwa siya uban ang igsuon nga si Sydney sa World Masterships sa South Korea o modiretso na sa Southeast Asian (SEA) Games, diin host ang nasud, Nobyembre 30 ngadto Disyembre 11.

Ang mapasigarbuhon niyang amahan, Paolo Tancontian midayeg kang Chino, “He is very young. Marami pa syang room for improvement. Napakatalented na bata, napakasipag mag-ensayo.”

Si Sydney, sa iyang kabahin kasamtangang nagbansay sa Korean meet karong Septyembre.

Anaa siya nag-training sa Singapore ug ipadayon kini sa Japan sunod bulan.

Samtang ang laing Pinoy nga sila Patrick Manicad (-82 kgs combat)) milabni sab og bulawan samtang si Helen Aclopen (women’s sports sambo -52 kgs) ug Jedd Andre Kim (men’s sports sambo -74 kgs) miangkon og silver.

Si Patrick dos Santos (men’s -82 kgs combat sambo) miangkon og bronse.

Si Paolo, nga Pilipinas Sambo Federation, Inc. secretary general, nagpasalamat ni chairman Cabinet Secretary Karlo Nograles, president Paolo Claudio ug Philippine Sports Commission’s (PSC’s) chairman William I. Ramirez, PSC commissioner Ramon Fernandez ug deputy executive director lawyer Guillermo Iroy sa suporta nga gihatag nila sa tim.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph