SUPERBALITA DAVAO

Editoryal: Investors nakulbaan na

HILABIHAN karon ang pag-alingasa sa mga investors sa Davao Region kay daw hinayhinay nang nasabtan nga mabutang na sa tubig ang ilang mga salapi nga gi-invest.

Kini subay sa testimonya sa pipila ka mga investors kinsa hinayhinay nga nagapatim-aw sa Tagum City Police Station kay ipa-blotter ang nahitabo kanila.

Una niini, gibutyag na ni Pangulong Rodrigo Duterte nga usa ka dakong pagpangilad ang investment schemes nga nanggihitabo karon sa Davao Region, butang nga iyaha kining gipa-imbestigahan.

Pero maingong walay pulos ang imbestigasyon sa awtoridad gumikan wala man silay mga narekober nga mga dagkong kantidad sa salapi atol sa ilang pagsilbi sa search warrant nga gipagula sa Court of Manila.

Higayon na hinuon nga nahipos sa mga tagdumala sa daghang investment schemes sa Tagum City ang dagkong ihap sa salapi.

Gipalurang una sa mga investment groups ang ilang operasyon, apan human sa usa ka semana, namalik na sab ang pay-in, pina-sekreto lamang; diha sa’y gamay ra nga gipatilaw og payout arong mabuhi ang dako nga pay-in.

Human niadto, ning kasamtangan, hinayhinay na sab nga wala na namalik ang mga tagdumala, wala nay operasyon ug gipangsibat na ang mga kuwarta.

Karon, nagkatag sa social media ang giingong mga press conferences ug mga meetings sa mga agents ug managers aron resulbahon ang problema, ug gipahibalo nga gipaubsan na ang kanhi taas nga tubo sa salapi, nga gikan sa times (x 6) karon giingong mag times (3) nalang daw.

Buot ingnon, mikunhod, ug dihay uban nga ipang-uli nalang ang kapital sa gitakda nga panahon.

Maayo lamang unta nga mahitabo kini, basin unya og masagol kini sa ubang mga investment groups nga wala na gyud makita.

Ang mga investors wala na gyuy mahimo kay kabalo naman daan nga sugal ang ilang gisudlan. Ang angay nalang niini nga himoon mao ang pagkat-on sa mga butang kay kini ang nagtudlo kung kanus-a kita moundang sa pag-pay in aron di na kita mabiktima ug di na sab madugangan ang ilang mabiktima.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph