SECTIONS
Friday, July 19, 2019
SUPERBALITA DAVAO

Nag-Kapa kawani sa gobyerno paresaynon

GIHAGIT sa usa ka opisyal sa Department of the Interior and Local Government (DILG)-Davao ang mga kawani sa gobyerno, kinsa miyembro sa mga investment schemes, nga moluwat sa ilang trabaho kon padayon nga magsaway sa desisyon sa gobyerno nga ihunong ang operasyon niining mga ilegal nga kalihukan.

Gisulti ni DILG-Davao director Alex Roldan sa usa ka press briefing niadtong Miyerkules, Hunyo 26, sa The Royal Mandaya Hotel nga siya nakurat sa pagbasa sa mga “posts” sa social media sa pipila ka mga kawani sa gobyerno nibanat sa kagamhanan sa iyang gihimo nga paggukod sa mga schemes subay sa mando ni Presidente Rodrigo Duterte.

Kon tinguha nilang sawayon ang gobyerno tungod sa pag-undang sa schemes, matud niya, mas maayo nga mohawa sila sa pagtrabaho sa gobyerno tungod nisukwahi kini sa ilang gisumpaan. Iyang gitumbok nga bisan ang mga kawani sa gobyerno gidid-an sa paglambigit sa sabong o pagsulod sa casino apil na ang pag-apil sa mga ilegal nga aktibidad sama sa investment schemes nga nagsaad og dakong interes nga way legal nga permit.

“We have an oath of office, to follow or to obey the law duly constituted authorities without mental reservation or any purpose of evasion. So you bind yourself to the loyalty to the government. Kung gusto ka mag criticize sa government because of its decision, you should get out of the government,” dugang pa niya.

Sayo ning bulana, ang presidente nagmando ngadto sa National Bureau of Investigation (NBI), the Criminal Investigation and Detection Group (CIDG), ug mga pulis nga imbestigahan kining mga investments schemes nga nalambigit sa “pyramiding scheme” ug isira.

“If you are criticizing the same institution that you’re working with, ang akong suggestion sa ilaha if dili na nila kaya nga nasakit gyud sila tungod kay ilahang plano nga makapalit og auto nga bag-o na naputol, they should resign from the government. Bahala’g momartsa ka sa kalsada after that basta kay wala ka sa office,” pagklaro niya.

Iya sab nga giawhag ang Civil Service Commission nga molihok ug pasidan-an ang tanang mga kawani sa gobyerno kinsa nisalmot niining matang sa negusyo tungod kay gigamit sila sa pag-endorsor sa “scams”, gawas sa pag-apil sa ilegal nga aktibidad. (JCR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph