CATARMAN, Northern Samar - Usa sa mga problema sa kapulisan sa pagpusil patay sa usa ka kawani ning lungsod mao ang kakuwang sa saksi.
Niadtong Biyernes sa mga alas 5:30 sa hapon, Hunyo 21, gipusil patay sa wa pa mailhing killers si Allan Barcelon, 43, kawani sa Municipal Disaster Risk Reduction and Management Office (MDRRMO) sa ilang paghiabot sa Barangay Bangkerohan.
Samaran usab ang iyang asawa, nga si Salve, 40, kinsa dali nga gidala sa tambalanan.
Ang magtiayon taga Barangay Makinley ning lungsod.
Base sa inisyal nga imbestigasyon sa kapulisan, sakay sa ilang motorsiklo ang magtiayon padung mopauli. (JKDP)