SA HULYO 1, bag-o na ang mangulo sa kapulisan sa siyudad sa Sugbo human moretiro sa serbisyo si Police Colonel Royina Garma.
Si Garma gitudlo ni Presidente Rodrigo Duterte nga general manager sa Philippine Charity Sweepstakes Office (PCSO).
Usa ka kasaligang tinubdan sa Camp Crame nitug-an sa Superbalita Cebu nga si Police Colonel Gemma Vinluan ang giindorso ngadto kang PNP Chief Police General Oscar Albayalde.
Si Vinluan gipaluyohan ni Senador Bong Go, suod kaayo ni Presidente Rodrigo Duterte.
Si Vinluan mao ang hepe sa Women and Child Protection Center sa Luzon.
Matod sa tinubdan nga opisya, sama sa kaisog ni Garma si Vinluan mao nga haom siya sa posisyon nga biyaan sa kontrobersyal nga CCPO director. (AYB)