SECTIONS
Tuesday, July 23, 2019
SUPERBALITA CEBU

Nalzaro: ‘Tom Jones’ (Taman June)

Saksi

ANG mga last termer ug pildero nga mga piniling opisyal kutob na lang karon adlawa, ingon ang mga co-terminus, mga contractual ug job order employees.Kay sa udto sa Dominggo, Hunyo 30, matapos na ang ilang termino ug serbisyo. Mo-take over na ang bag-ong administrasyon uban ang ilang mga tinudlong opisyal ug newly hired employees. Mao na silay gitawag og “Tom Jones.” Buot ipasabot nga “Taman June.” Dili sa pagbugal-bugal kining ato kay dili baya lalim ang mawad-an og trabaho. Pero mao nay riyalidad sa panarbaho sa gobiyerno labi pa sa tinudlo.

Sa Kapitolyo, ang mga alipores ni Gob. Hilario Davide III nga dugay na nga nakapahimulos sa ilang puwesto, kutob na lang karong adlawa. Sama nila ni Provincial Administrator Mark Tolentino ug legal officer Orvi Ortega, kinsa mga co-terminus sa gobernador. Ang uban sama nila ni General Services Office (GSO) chief John Sigfred Sepe, disaster chief Baltazar Tribunalo nga gihatagan og permanent position ni Davide, magpabilin apan posibleng hatagan og laing posisyon ni incoming Governor Gwen Garcia. Kining mga tawhana pipila lamang sa nakahatag og mantsa sa administrasyon ni Davide gumikan sa pagkahilambigit sa mga anomaliya.

Ang job order employees maoy makaluluoy kaayo kay makulban sa kaldero. Natural kadtong bag-ong napiling mayor mopahiluna man sa ilang kaugalingong mga tawo nga nakatabang kanila niadtong piniliay. Ila nga tangtangon ang job order employees sa kanhi administrasyon kay hulipan sa ilang kaugalingong mga tawo.

Lapu-Lapu City

Apan lahi kining pamaagi sa Dakbayan sa Lapu-Lapu gumikan kay si incoming Mayor Junard “Ahong” Chan, dili man manangtang dayon sa mga empliyado sa administrasyon ni outgoing Mayor Paz Radaza. Bisan ang mga co-terminus nga kutob na lang unta karon. Hatagan ni Ahong og lugway ang maong mga empliyado balig usa o duha ka buwan una tangtangon. Posible man gani nga iyang i-rehire base sa performance. Ang mga person with disability (PWD) dili taktakon ni Chan. Gani pun-an pa niya. Maayo. Ang ubang department heads gikan sa Cebu City Hall, posibleng mag-reunion sa Lapu-Lapu City kay kuhaon man ni Ahong.(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph