KON way kakulian ug mahinayon gyud ang giplano nga dinaliang elections sa Philippine Olympic Committee karong Hulyo 5, sila si Abraham Tolention sa Cycling ug Clint Aranas sa Archery ang magtigi alang sa pagka presidente.
Kini human nga si Tolentino, congressman sa Tagaytay, ug Aranas, presidente sa Government Service Insurance System (GSIS) ang pulos mipadayag nga interesado silang mopadagan sa mang organisasyon nga gihamok og sunodsunod nga kontrobersiya.
Ang special election gitinguha karon sa mga opisyal sa POC human sa kalit nga pagluwat ni Ricky Vargas pagka presidente sa niaging semana.
Tinguha ni Tolentino nga si Robert Aventajado sa Taekwondo maoy iyang padaganon pagka chairman samtang kombinsihon usab ni Aranas si Steve Hontiveros sa bowling nga maoy iyang runningmate. (JBM)