MIHURAR si Misamis Oriental Governor Bambi Emano kauban sab ang iyang mga kapartido nga mananaog sa nagkalain-laing posisyon gikan sa pagka kongresista, sangguniang panlalawigan, mayor, bise mayor ngadto sa pagka-konsehal.
Naandan na ni Emano nga sa atubangan sa usa ka barangay kapitan sa Eureka sa Gingoog nga si kapitan Porferio Dunque Jr. nga manumpa ug kini na ang katapusang termino ni Emano.
Unang higayon sab nihatag og mensahe si Emano ug nakig-abi-abi human sa pagsubo niini sa kamatayon sa iyang amahan kanhi mayor ug gobernador nag si Dongkoy Emano nga namatay niadtong bulan sa Mayo sa wala pa ang piliay.
Ang pagpanumpa gitambongan sa dili mominos 500 ka mga nagkalain-laing personalidad nga gipahigayon Huwebes, Hunyo 27, sa Tagoloan Dome, lungsod sa Tagoloan, Misamis Oriental.
Gisugdan ang kalihukan pinaagi sa usa ka santos nga misa sa pagpangulo ni Rev. Fr. Juliano Retiquez.
Matud ni Emano nga bout niyang manumpa na unta deretso nga dili susama ka garbo niini apan pinasahi ang plano sa campaign team.
“Ang akong plano nga imbitahon si Kapitan Dunque sa akong buhatan lakip imong council ipatawag lang ug manumpa unta ko sa imong atubangan. Pero akong provincial campaign team naa sila lain idea pinaagi kini sa ilang pagpaningkamot gikan pagduso sa sertipiko de kandidatura hangtod karon sa pagpanumpa ug laing tulo ka tuig.”
Matud ni Governor Bambi nga sa Barangay Eureka sa Gingoog midaog siya og 92 porsiyento sa boto. Sa 1,000 ka botante daw 80 lamang ang naangkon sa iyang kaatbang.
Dinhi sab gibutyag ni Bambi ang labihan ka sakit nga gibati alang niadtong napildi nga kaalyado sa niaging piliay.
“Ako nalang unta ang napildi dili kamo ako unta. Sakit makit-an pipila sa akong kauban nga wala mataga-i sa kahigayunan. It really pains me. Kadtong wala nahatagan sakit tinoud this is very very painful,” butyag niini.
Gipaabot sab niini iyang pahalipay ngadto sa mga nangdaog.
“To those who won congrats! To those who didn’t make it I’m sorry, I apologized. I apologized sincerely nga kamo wala nako napadaog tanan,” dugang niini.
Mas gikasakit sab sa gobernador nga taliwala pa sa piliay nawad-an siya og amahan ug amahan sa partido Padayon Pilipino. Daw iyang dawaton kon mapilde sa eleksyon apan galisod pagdawat sa kamatayon sa iyang amahan nga si Dongkoy.
“Nawad-an mi og amahan niadto pang eleksyon. Matam-is nga pait... Losing the election is okay basta Mayor Dongkoy is alive because we have the best father...but his borrowed life was taken,” dugang niini.
Apan sa katapusan iyang gibutyag nga iyang dawaton ang kamatouran tungod kay kung nagsud-ong kini kaniya bout gihapon niining serbisyuhan ang katawhan.
“Rebuild, restart...what he wants me to do is serve his people and we will serve them for the best. It had been sad and painful but our people have spoken moyukbo ko sa hukom sa katawhan,” matud ni Emano.