ANG Kahubayan ni Aida, usa ka livelihood program ni Aida Pataña, ilusad sa Sabado, Hunyo 29, sa Cebu City Hall Social Hall, ala 1:00 sa hapon ngadto sa alas 4:00 sa hapon.
Usa kini ka adbokasiya ni Pataña, kinsa kandidata sa Mrs. Philippines World 2019, alang sa mga inahan sama kaniya nga matabangan sa ilang pangibuhi nga nag-inusara sa pagsuporta sa ilang pamilya.
Nagsamin usab kini sa kinabuhi ni Pataña nga nahimong malampusong magpapatigayon taliwala sa daghang kalisdanan nga iyang naagian sa pagkab-ot sa kalamposan.
Atol sa paglusad sa Kabuhayan ni Aida, tambongan kini nga inilang mga personahe sa negusyo, pulitika ug showbiz.
Nag-una sa iyang mga bisita mao sila si Cebu City Mayor-elect Edgardo Labella, Councilor-elect Niña Mabatid, Michel Lhuillier, Councilor Jackson Tudtud, Atty. Elaine Bathan, Miss Lilli An Du ug actor Daniel Matsunaga.
Sentro sa kalihokan mao ang single moms nga mahimong benepisaryo sa pagpaambit sa grasya ni Pataña ngadto kanila aron makapundar sa mas lig-ong panginabuhian ug mahisama kaniya nga malampuson sa umaabot. (PR)