SILA Jorry Ycong ug Rue Reinhardt Pañibon miangkon sa elite male ug female titles, sa 3rd Musa Man Tri-DavNor nga gihimo gikan Hijo Resorts ngadto Davao del Norte Sports and Tourism Complex saTagum City.
Ang Cebu City-based Ycong sa Rider Omega Pro Tri Team mioras og usa ka oras, 58 minutos ug 49 segundos aron ilampurnas ang titulo sa men’s premier event sa 1.5-kilometer swim, 40K bike ug 10K run triathlon.
Si Paul Jumamil sa Tri SND Barracuda mioras og 2:00:55 miangkon sa ikaduhang pwesto, samtang si Justin Constantino sa Trigear mihuman og 2:01:28, nabutang sa ikatulo.
Sa distaff side, si Pañibon sa Go for Gold mioras og 2:19:11 aron pildihon ang mga kaatbang nga sila Ian Banzon sa Sante Barley (2:23:17) ug Cianyl Jamae Gonzales sa Rider Omega Pro Tri Team (2:28:20) nga pwesto sa ikaduha ug ikatulo.
Ang lumba gipresenta sa provincial government sa Davao del Norte.
Premyong P40,000, P30,000 ug P15,000 gihatag sa top three finishers.
Sa ubang kategoriya, Sophia Gabrielle Muño sa Team Ironman Cocowater nanguna sa female 18-24 samtang si Katherine Jumapao sa Rider Omega Pro Tri Team nanguna sa female 25-29 ug Socorro Arellano sa female 30-34.
Ubang kampeyon mao sila Pilar Angela Bubbles Paraiso sa Team Gotta (female 35-39), Catherine Arias (female 40-44), Hazel busa sa Go4Less Tri Team (female 45-49), Jocelyn Bernadas sa TriBuddies (female 50-above), Jonathan Pagura sa Rider Omega Pro Tri Team (male 18-24), Vic Montebon sa Rider Omega Pro Tri Team (male 25-29), Kristiane Lim sa Go4Less Tri Team (male 30-34), Jermavin Cabilan sa Caltex Delo-Triathlon Bukidnon (male 35-39), Christopher Eyao sa Davao City (male 40-44), Ronald Parantar sa Caltex Delo-Triathlon Bukidnon (male 45-49), Philip Ric Manalo sa Kagay-an Triathlon (male 50-54), Felix Francisco Motilla sa Team LGU-Mati (male 55-59) ug Edgard Villar of Team TriBuddies (male 60-above).
Samtang ang PHH Tri 1 ni Chyll Bea Amparo, Feliza Joy Abellana ug Samantha Ashra Inoc miharus sa all female relay team category title lakip na Go4Less Tri Team ni Eryk John Omandam, Ramonito Espinosa uug Agustin Ychon sa all-male relay team crown.
Ang Team Southshore, mibulsa sa mixed title.
Ang tim gipangunahan nila Kristine Joy Dasargo, Hilario Ladra ug Vladimir Raguindin.
Ang unang three finishers sa age-group categories midawat sab og tropeyo ug cash prizes.