Dul-an 300 ka mga pulis nga sakop sa nagkalain-laing Drug Enforcement Unit (DEU) sa Sugbo ang gipa-ubos sa surprise drug test sayo Biyernes sa buntay, Hunyo 28, 2019.
Gipatawag ni Cebu City Police Director Colonel Roderick Mariano ang mga miyembro sa DEU sa 50 ka police stations sa probinsya sa Sugbo.
Dinhi usab manguha si Col. Mariano og bag-ong personnel nga ibutang sa Provincial Intelligence Bureau (PIB) ug Provincial Drug Enforcement Unit human wala na gipabalik ang gipa relibohan nga mga sakop sa PIB
Si Mariano mihatag og directiba sa tanang sakop sa DEU sa 50 ka police stations labot sa ilang trabaho batok sa illegal nga drugas.
Hugot niyang gidili ang pag tanom og ebedensya sa ilang mga target ug sundon ang operational procedures.
Gidid-an usab niya sa pagdawat sa kwarta gikan sa illegal drugs ug ubang matang sa illegal nga kalihukan.
Estrikto matod pa si Chief PNP Police General Oscar Albayalde ug PRO7 Director Police General Debold Sinas. (Arnold Bustamante)