NAGTINGKAGOL sa prisuhan ang usa ka ugangan human gitigbas ang kaugalingon nga awas niadtong Domingo mga alas 7:00 sa gabii sa Upper Sihayon lungsod sa Tagoloan, Misamis Oriental.

Giila ang biktima nga mao si Nardo Sumabong, 42, minyo, sa susamang dapit kinsa gitigbas sa ugangan nga mao si Gensan Tolentino.

Gikumpirma sa kapolisan sa Tagoloan Police Station nga sad-an si Tolentino human niini gitigbas ang bayaw sa mabaw lamang kaayo nga rason.

Nasayran nga miuli sa puloy-anan niadtong tungora si Sumabong ug nakigsulti sa asawa. Sa pagtuong siya ang gisultihan ug gistoryahan sa magtiayon kalit kining mikuha og sundang dayon deretsong gitigbas ang nawong ni Sumabong hinungdan sa pagkaabhak niini.

Matud sa usa sa polis sa Tagoloan nga nahinabi sa Sun.Star Superbalita nga adunay deperensya sa pagdungog ang suspetsado hinungdan nga dako ang pagtuo niining siya ang gilibak sa anak ug awas niadtong higayona.

Human sa hitabo daw ang anak sa suspetsado wala nagduha-duha sa pagpapriso sa kaugalingon nga inahan apan nakagawas ra usab tungod sa kaluoy.

Samtang si Sumabong gidala sa Northern Mindanao Medical Center ning siyudad sa Cagayan de Oro ugpadayon pang giatiman ug giobserbahan sa mga doktor ning panahona. (Stephanie V. Berganio)