HANGTUD sa pagsuwat ning chika, wala pa gayu'y sure nga tubag ang istoryang buntis na gayud si Judy Ann Santos.

Ang maong chika, naglibot-libot lamang sa showbiz people sud na sa halos tulo ka adlaw.

Kung tinuod man kini, sure gayud nga grabeng kalipay ang bation sa magtiayong Juday ug Ryan Agoncillo nga dugay na sab na-pressure sa pagbaton og baby.

Mag-one year nang kasal ang duha ug dugay na nilang giangkon nga buot nilang magka-baby dayon.

Una pa man mikatag ang istorya sa pagbuntis ni Juday, gitakda sa magtiayon ang ilang European trip karong Abril. Gani, gituohan pa nga didto gayud himuon sa duha ang ilang gihuwat nga baby. Apan karon nga may chika nga sama niini, siguradong sangko sa langit ang kalipay sa duha if ever true.

Tungod kay may Yohan (adopted girl) na sila si Juday ug Ryan, wish sa tanan nga baby boy ang giingong gibuntis ni Juday sa kasamtangan.