CENTRAL MINDANAO -- Target patyon ang mga sakop sa Philippine Drug Enforcement Agency (PDEA-Barmm) sa dakbayan sa Cotabato.
Kini mismo gikompirma ni PDEA-Barmm director Juvenal Azurin.
Daghanan nga naligsan nga mga politiko ug high-value target ang PDEA-Barmm sa ilang mga anti-drug operations.
Giingong nagbayad og dakong kantidad ang mga narco-politicians ug mga drug traffickers aron patyon ang mga operatiba sa PDEA-Barmm.
Gipaigmat ni Azurin ang iyang mga sakop batok sa assassination plot sa mga grupo ug mga giingong politiko nga nalambigit sa illegal drug trade sa Barmm.
Nabisto ang plano nga pag-ihaw sa mga ahente sa PDEA-Barmm sa diha nga usa sa mga grupo nga gisugo sa mga Narco-politician maoy nagpaabot sa impormasyon kang Azurin.
Sa kasamtanganm gipalig-on pa sa PDEA-Barmm ang ilang anti-drug operations sa rehiyon luyo sa migawas nga impormasyon. (Edgar Fuerzas)