SUPERBALITA CEBU

DILG mihagit kang Garcia, Davide

TURNOVER: Si Gobernador Hilario Davide III (wala) mitunol ngadto kang Governor-elect Gwen Garcia sa mga dokumento sa iyang administrasyon. Si Garcia moasumer na sa pagka gobernador karong udto, Hunyo 30.Ang Department of Interior and Local Government (DILG) dunay hagit kanilang duha. (Amper Campaña)

SA PAG-ASUMIR sa bag-ong administrasyon ni returning Governor Gwen Garcia ug incoming Vice Governor Hilario Davide III sa kagamhanan sa lalawigan sa Sugbo, gihagit sila sa usa ka opisyal sa Department of Interior and Local Government sa pagkuha sa Seal of Good Local Governance (SGLG) award 2020.

Alang ni Garcia usa kini ka maayong hagit nga kinahanglan trabahuon.

“That’s a very good challenge and a challenge that we must accept. And not just hope, we must work for it,” pamulong sa incoming governor, kinsa unang namahayag nga ibalik niya ang Sugbo isip numero nga probinsya sa nasod.

Atol sa seremonyas sa turnover sa duha ka tag-as nga mga opisyal sa Kapitolyo niadtong Biyernes, Hunyo 28, 2019, si Jerome Gonzales, provincial director sa DILG Cebu, niawhag nila ni Garcia ug Davide nga magtinabangay aron makuha ang award.

Matod ni Gonzales, ang SGLG nakatutok sa pagpatuman sa mga proyekto nga gipundohan sa DILG sa insaktong panahon, sama sa Performance Challenge Fund ug Conditional Matching Grant to Provinces (CMGP).

“Because this time not only the physical accomplishment is accounted for by the department but includes fund utilization and disbursement and utilization of fund. Plus give focus on helping the component LGUs get the award,” dugang ni Gonzales.

Gikan sa 2015 hangtod sa 2017, nagkasaka ang gidaghanon sa mga local government unit (LGU) nga nakadawat sa SGLG awards gikan sa DILG.

Sigon ni Gonzales niadtong 2015, 254 ka LGUs o gibanabanang 50 porsyento sa tibuok nasod ang gipasidunggan sa award. Nitubo kini sa 306 ka mga LGU sa 2016 ug 449 sa SGLG award sa 2017.

Apan pag-abot sa 2018, nikunhod kini og sobra katunga o 263 na lang ka mga LGU sa tibuok nasod ang SGLG awardees.

“In that year, no province or city in Region 7 has gotten the award. For Cebu Provincial Government, our challenge was how to get the 10 percent the proponent LGU pass the SGLG,” dugang ni Gonzales.

Sa website sa DILG 7, tulo lang ka LGUs sa rehiyon ang nakadawat sa SGLG- mga lungsod sa Sogod ug San Remigio sa Sugbo ug lungsod sa Loboc sa Bohol.

Sa 2017, ang Central Visayas adunay 12 ka awardees. Ang mga lalawigan sa Sugbo, Bohol ug Siquijor ang nakasud sa provincial category samtang ang mga siyudad sa Naga ug Tagbilaran ang mga mananaog sa city category.

Sa kategorya sa mga lungsod, nakadawat sa seal ang Samboan, Sogod ug Tudela sa Sugbo; ug Alicia, Bien Unido, Duero ug Tubigon sa Bohol.

Si Gonzales nidugang aron makadawat og apil ang probinsa sa Sugbo kinahanglan 10 porsyento sa component LGUs niini ang makakuha sa award.

Aron makuha ang SGLG award, ang mga LGU i-assess base sa mga indicator sama sa financial administration, disaster preparedness, social protection, peace and order, business friendliness and competitiveness, environmental management ug tourism, culture and the arts.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph