MALAMPUSON ang hiniusang operasyon human nadakpan ang usa ka drug suspect niadtong adlawng Huwebes, Hunyo 27, alas 3:30 sa hapon sa West Poblacion, Balo-i, Lanao del Norte.
Si Philippine Drug Enforcement Agency (PDEA) Northern Mindanao Regional Director Wilkins Villanueva niingon nga usa kini ka high impact operation nga gikasa sa ilang buhatan, Bangsamoro in the Autonomous Region in Muslim Mindanao, Balo-i Police Station ug Mechanized Battalion batok sa suspek nga si Jalil Akil Linog alyas Malik.
Nakuha sa posisyon niini ang usa ka pakete sa gituohang shabu ug mga dagkong hiniktan nga cellophane sa shabu nga gibana-banang moabot ngadto sa usa ka kilo.
Kini adunay kantidad nga P6.5 milyones.
Gawas niini nakuhaan kini og usa ka cellphone, usa ka motorsiklo nga gitouhang maoy gamiton sa mga transaksyon ug duha ka tag P1,000 isip drug bust money.
Ang dinakpan gibalhog na karon sa buhatan sa PDEA ug patong patong nga kasong kasupakan sa Comprehensive Dangerous Drugs Act ang atubangon niini. Sa kadako sa balor sa kantidad sa ginadiling druga nga nakumpiska niini laumang dili na kini makapiyansa.
Aduna sab bahad si Villanueva niadtong nagsige og padayon sa pagpamaligya og ginadili nga druga.
"To those who still insist of doing their illegal drug trade on this part of the country, hindi namin kayo tatantanan," matud ni Villanueva.