Unabia mi-challenge sa mga Emano

KUN si Congressman Peter Unabia ang pasultihon gibutyag niini nga dili siya sa posisyon nga executive ug mas mosugyot pa siya nga anaa gihapon sa pamilyang Emano ang mosunod sa pagka gobernador human matapos ang termino ni Misamis Oriental Governor Bambi Emano sa tuig 2022.

Unang migawas ang report nga magpapili si Unabia sa taas nga posisyon human nakadaog kini isip bise-mayor sa siyudad sa Gingoog ug nareport nga gobernador ang daganan niini.

Matud ni Unabia nga bout niyang mas mapalig-on pa ang alyansa ngadto sa partido sa Padayon Pilipino nga karon gipangunahan na ni Governor Emano human mipanaw ang founder niini nga si kanhi mayor Dongkoy Emano.

Iyang gipaabot nga dako kaayo og tabang ang kanhi mayor sa iyang pagsugod sa karera sa pulitika tungod kay kini maoy nagtabang kaniya.

"Kun inyong pangutana kinsa ang modagan pagka-gobernador akong ihatag kini nga challenge sa mga Emano, modesty aside naa koy napili naay ngalan ang mga Emano. Maski kinsa sa ilaha" matud ni Unabia.

Bout niyang magpabilin ang pamilyang Emano sa posisyon tungod kay kung siya ang pasultihon dili kaayo siya mopili sa executive nga posisyon.

"Honestly dili ko gusto og executive, dili ko batasan nga magpuyo sa usa ka lugar," butyag niini ug miingon nga sayo pa kaayo hisgotan ang pamulitika nga mahitabo sa tuig 2022 pa.

Bout niining magpokos sa pagpalambo sa turismo sa siyudad sa Gingoog karon nga nagsilbing bise-mayor. Wala sab kini nahulga sa mga protesta batok kaniya human miduso na siya og motion for reconsideration sa buhatan sa Commission on Election human nga giprotestahan ang iyang residency sa siyudad sa Gingoog.

"Sayo pa kaayo, tabangi kami ang local government unit nga maplastar ang tourismo sa Gingoog," matud ni Unabia ug miingon nga nagplano na sa pagpalambo sa siyudad sa Gingoog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph